Events > Academic & Other Events

🚀🏆Digital Entrepreneurship Empowerment Program ၏ Final Competition အခမ်းအနားကို အောင်မြင်စွာ ကျင်းပပြုလုပ်ခဲ့

အနာဂတ်စီးပွားရေးလောကတွင် နည်းပညာနှင့် ဆန်းသစ်တီထွင်မှုများကို ထိရောက်စွာ ပေါင်းစပ်အသုံးချနိုင်ပြီး အောင်မြင်သော စွန့်ဦးတီထွင်လုပ်ငန်းရှင်များအဖြစ် ရပ်တည်နိုင်မည့် လူငယ်များ ပေါ်ထွန်းလာစေရန် ရည်ရွယ်၍ အမေရိကန်သံရုံး၏ ဦးဆောင်မှုဖြင့် Strategy First International College မှ အကောင်အထည်ဖော်ဆောင်ရွက်ခဲ့သော Digital Entrepreneurship Empowerment Program (DEEP) ၏ Final Competition နှင့် Closing Ceremony အခမ်းအနားကို ၂၀၂၆ ခုနှစ်၊ အောက်တိုဘာလ (၁၈) ရက်နေ့တွင် Sedona Hotel ၌ အောင်မြင်စွာ ကျင်းပပြုလုပ်ခဲ့ပါသည်။

Digital Entrepreneurship Empowerment Program ကို ၂၀၂၆ ခုနှစ်၊ ဇန်နဝါရီလ (၁၀) ရက်နေ့တွင် စတင်မိတ်ဆက်ခဲ့ပြီး လူငယ်များ၏ စွန့်ဦးတီထွင်မှုဆိုင်ရာ အသိပညာ၊ လက်တွေ့ကျွမ်းကျင်မှု၊ နည်းပညာအသုံးချနိုင်စွမ်းနှင့် ဆန်းသစ်တီထွင်နိုင်စွမ်းများ မြှင့်တင်ပေးနိုင်ရန် ရည်ရွယ်၍ အောက်ပါအစီအစဉ်များကို အဆင့်ဆင့် အကောင်အထည်ဖော်ဆောင်ရွက်ခဲ့ပါသည်။

Seminar Series – January to March 2026

Workshops and Bootcamps – April and May 2026

Ideation Hackathon – June 2026

Competition – July 2026

Final Competition & Closing Ceremony – October 2026

Final Competition အခမ်းအနားတွင် မြန်မာနိုင်ငံဆိုင်ရာ အမေရိကန်သံရုံး၏ Cultural Affairs Officer ဖြစ်သူ Ms. Kelly McCray က အဖွင့်အမှာစကား ပြောကြားပေးခဲ့ပြီး Strategy First International College ၏ Vice President (Administration) ဖြစ်သူ ဦးအောင်ကျော်ဌေး က Program တစ်လျှောက် အကောင်အထည်ဖော်ဆောင်ရွက်ခဲ့သည့် လုပ်ငန်းစဉ်များ၊ ရရှိခဲ့သည့် အတွေ့အကြုံများနှင့် အောင်မြင်မှုများကို ပြန်လည်မျှဝေတင်ပြခဲ့ပါသည်။

ထို့နောက် Final Competition သို့ တက်ရောက်ယှဉ်ပြိုင်ခွင့်ရရှိခဲ့သည့် နောက်ဆုံးအဆင့် ပြိုင်ပွဲဝင်အသင်း (၈) သင်း က ၎င်းတို့၏ ဆန်းသစ်တီထွင်ထားသော စီးပွားရေးလုပ်ငန်းစိတ်ကူးများ၊ နည်းပညာအခြေပြု ဖြေရှင်းနည်းများနှင့် လက်တွေ့အကောင်အထည်ဖော်နိုင်မည့် စီးပွားရေးလုပ်ငန်းအစီအစဉ်များကို ဒိုင်လူကြီးများရှေ့တွင် တင်ပြယှဉ်ပြိုင်ခဲ့ကြပါသည်။

အဆိုပါ Final Competition တွင် စီးပွားရေး၊ နည်းပညာ၊ ရင်းနှီးမြှုပ်နှံမှုနှင့် စွန့်ဦးတီထွင်မှုနယ်ပယ်အသီးသီးမှ အတွေ့အကြုံရှိ ပညာရှင်များနှင့် လုပ်ငန်းရှင်များက ဒိုင်လူကြီးများအဖြစ် ပါဝင်အကဲဖြတ်ပေးခဲ့ကြပါသည်။

ဒေါက်တာ ဦးထွန်းသူရသက် – Chief Executive Officer, Nirvasoft

ဦးသူရိန်အောင် – President, Yangon Region Young Entrepreneurs Association (YRYEA) နှင့် Chief Executive Officer, Dagon International Co., Ltd.

ဒေါ်စုမြတ်လှ – Joint Secretary, Myanmar Women Entrepreneurs Network (MYANWEN) နှင့် Executive Director, M&A Advisory

Ms. Kelly McCray – Cultural Affairs Officer, U.S. Embassy in Myanmar

ဦးအောင်သော်ဇင် – Investment Manager, City Ventures Ltd.

ပြိုင်ပွဲဝင်အသင်းများ၏ ဆန်းသစ်တီထွင်နိုင်မှု၊ စီးပွားရေးလုပ်ငန်းအဖြစ် အကောင်အထည်ဖော်နိုင်ခြေ၊ နည်းပညာအသုံးချမှုနှင့် တင်ပြနိုင်စွမ်းတို့ကို အကဲဖြတ်ရွေးချယ်ခဲ့ရာ အောက်ပါအသင်းများက စုစုပေါင်း ဆုကြေးငွေ ကျပ် (၁၃၂) သိန်း ကို အသီးသီး ဆွတ်ခူးရရှိခဲ့ကြပါသည်။

ပထမဆု (First Place Award) – Victory Crew

ဆုကြေးငွေ ကျပ်သိန်း (၆၀)

ဒုတိယဆု (Second Place Award) – HORIZON

ဆုကြေးငွေ ကျပ်သိန်း (၄၀)

တတိယဆု (Third Place Award) – HERgy

ဆုကြေးငွေ ကျပ်သိန်း (၃၂)

ထို့အပြင် Program တစ်လျှောက် လူငယ်များ၏ စွန့်ဦးတီထွင်မှုဆိုင်ရာ စွမ်းရည်ဖွံ့ဖြိုးတိုးတက်ရေးအတွက် အတွေ့အကြုံနှင့် အသိပညာများ မျှဝေပေးခဲ့ကြသည့် Mentors များနှင့် ပါဝင်ကူညီပံ့ပိုးပေးခဲ့ကြသူများအား Strategy First International College ၏ Founder and President ဖြစ်သူ ဆရာ ဦးအောင်ချစ်ခင် က ဂုဏ်ပြုအသိအမှတ်ပြုလက်မှတ်များ ပေးအပ်ချီးမြှင့်ခဲ့ပါသည်။ ထို့နောက် တက်ရောက်လာကြသူများနှင့် စုပေါင်းအမှတ်တရဓာတ်ပုံများ ရိုက်ကူးကာ အခမ်းအနားကို အောင်မြင်စွာ ရုပ်သိမ်းခဲ့ပါသည်။

Digital Entrepreneurship Empowerment Program သည် လူငယ်များအတွက် စွန့်ဦးတီထွင်မှုဆိုင်ရာ အသိပညာများ သင်ယူရရှိစေရုံသာမက မိမိတို့၏ စီးပွားရေးစိတ်ကူးများကို လက်တွေ့အကောင်အထည်ဖော်နိုင်ရန်၊ နည်းပညာများကို ဖန်တီးအသုံးချတတ်စေရန်နှင့် လုပ်ငန်းနယ်ပယ်မှ အတွေ့အကြုံရှိ ပညာရှင်များနှင့် ချိတ်ဆက်နိုင်ရန် အခွင့်အလမ်းများ ဖန်တီးပေးခဲ့သည့် အစီအစဉ်တစ်ခုဖြစ်ပါသည်။

Program တွင် ပါဝင်ခဲ့ကြသည့် လူငယ်များအားလုံးကို Strategy First International College မှ လှိုက်လှဲစွာ ဂုဏ်ပြုအပ်ပါသည်။ ယခုအစီအစဉ်မှ ရရှိခဲ့သည့် အသိပညာ၊ အတွေ့အကြုံနှင့် အခွင့်အလမ်းများကို အခြေခံ၍ အနာဂတ်တွင် ဆန်းသစ်တီထွင်နိုင်စွမ်းရှိပြီး လူမှုအသိုင်းအဝိုင်းနှင့် စီးပွားရေးဖွံ့ဖြိုးတိုးတက်မှုကို အကျိုးပြုနိုင်သော စွန့်ဦးတီထွင်လုပ်ငန်းရှင်များအဖြစ် ဆက်လက်အောင်မြင်နိုင်ကြပါစေကြောင်း ဆုမွန်ကောင်းတောင်းအပ်ပါသည်။

Digital Entrepreneurship Empowerment Program အောင်မြင်စွာ အကောင်အထည်ဖော်ဆောင်ရွက်နိုင်ရေးအတွက် ပူးပေါင်းဆောင်ရွက်ပေးခဲ့သည့် အမေရိကန်သံရုံး၊ ဒိုင်လူကြီးများ၊ Mentors များ၊ Speakers များ၊ ဧည့်သည်တော်များ၊ ပြိုင်ပွဲဝင်အသင်းများနှင့် ပါဝင်ကူညီပံ့ပိုးပေးခဲ့ကြသူများအားလုံးကို Strategy First International College မှ အထူးပင် ကျေးဇူးတင်ရှိပါကြောင်း မှတ်တမ်းတင်ဖော်ပြအပ်ပါသည်။

#DEEP #DigitalEntrepreneurshipEmpowermentProgram #USEmbassyMyanmar #Entrepreneurship #DigitalInnovation #YouthEmpowerment #FinalCompetition #StrategyFirst #strategyfirstinternationalcollege