![](https://enroll-sfu.sgp1.digitaloceanspaces.com/sfu-edu/image/event/cover_image/foNQcCxWH81723809334.webp?X-Amz-Content-Sha256=UNSIGNED-PAYLOAD&X-Amz-Algorithm=AWS4-HMAC-SHA256&X-Amz-Credential=B2CYMCE3X3VPOMO2IYUT%2F20240901%2Fsgp1%2Fs3%2Faws4_request&X-Amz-Date=20240901T014732Z&X-Amz-SignedHeaders=host&X-Amz-Expires=3600&X-Amz-Signature=742abc095ac1a3b6e766e49af2a69212a38582255873494eae00af6b450254d2)
Strategy First Job Fair 2024 (Yangon) ကို Strategy First Panchan Tower Teaching Centre မှာ ကျင်းပပြုလုပ်
Strategy First International College မှာ တက်ရောက်ခဲ့၊ တက်ရောက်လျက်ရှိတဲ့ ကျောင်းသား၊ ကျောင်းသူများ၊ အလုပ်အကိုင်အခွင့်အလမ်းကောင်းများ ရှာဖွေနေသူများနဲ့ အရည်အသွေးပြည့်ဝတဲ့ လူ့စွမ်းအားအရင်းအမြစ်များကို စုဆောင်းလိုတဲ့ မိတ်ဖက်လုပ်ငန်း အဖွဲ့အစည်းများအတွက် Strategy First Job Fair 2024 (Yangon) ကို ဇွန်လ (၂) ရက်နေ့ (တနင်္ဂနွေနေ့) က Strategy First Panchan Tower Teaching Centre မှာ ကျင်းပပြုလုပ်ခဲ့ပါတယ်။ အဆိုပါ Job Fair မှာ မိတ်ဖက် Company ပေါင်း (၂၅)ခုမှ အလုပ်အကိုင်အခွင့်အလမ်းပေါင်းများစွာဖြင့် ပါဝင်ထားပြီး ဆရာကြီး၊ ဆရာမကြီးများ၊ ပညာရှင်များရဲ့ ဟောပြောပွဲ အစီအစဉ်များလည်း ပြုလုပ်ခဲ့ပါတယ်။ ကျောင်းသား၊ကျောင်းသူဟောင်းများရဲ့ panel discussion များလည်း ကျင်းပပြုလုပ်ခဲ့ပြီး Strategy First Music Club မှလည်း သီဆိုဖျော်ဖြေပေးခဲ့ပါတယ်။
ဒါ့အပြင် ပွဲလာရောက်ခဲ့ကြသူများကိုလည်းProfessional Profile Photo များ အခမဲ့ ရိုက်ကူးပေးပေးခဲ့ပါတယ်။ အဆိုပါပွဲမှာ Myanmar Oasis Manufacturing Co.Ltd (Royal - D) မှလည်း Hydration partner အနေဖြင့် ပါဝင်ပံ့ပိုးပေးခဲ့ပါတယ်။ ကျောင်းသား၊ ကျောင်းသူများအတွက် ပိုမိုကောင်းမွန်တဲ့ အလုပ်အကိုင်အခွင့်အလမ်းများရရှိအောင် ပံ့ပိုးဖြည့်ဆည်းပေးခဲ့တဲ့ မိတ်ဖက် Company များနဲ့ ပွဲကိုလာရောက်ခဲ့ကြတဲ့ ကျောင်းသား၊ကျောင်းသူများကိုလည်း အထူးပင်ကျေးဇူးတင်ရှိပါတယ်။