StrategyFirst University

Online Reputation Management အတွက် ၂၀၂၄ မှာခေတ်စားလာမယ့် လမ်းကြောင်းခြောက်ခု

3 weeks ago Strategy First

Reputation က လုပ်ငန်းတိုင်းအတွက်အရေးပါတဲ့ အရာတစ်ခုဖြစ်ပါတယ်။ မသင့်လျော်တဲ့ထုတ်ပြန်ချက်တစ်ချက်က အသက်မွေးဝမ်းကြောင်းဆိုင်ရာ အခွင့်အရေးများ၊ ကြော်ငြာစာချုပ်များနဲ့ စျေးကွက်အနေအထားတို့အပေါ်မှာ အဆိုးဘက်က သက်ရောက်သွားစေနိုင်ပါတယ်။ အပြန်အလှန်အားဖြင့်ဆိုရင် အခွင့်အလမ်းအသစ်များကိုဖွင့်ပေးနိုင်ပြီး ထုတ်ကုန်များရဲ့ demand များတိုးလာစေခြင်းဖြင့် Social Madia မှ Followers များကို ပိုမိုဆွဲဆောင်နိုင်စွမ်းရှိစေမှာ ဖြစ်ပါတယ်။

Reputation က ဘယ် company ပဲဖြစ်ဖြစ် ဘယ် public figure ပဲမှာမဆို offline, online နှစ်ခုစလုံးမှာ အသုံးဝင်ပါတယ်။ Online Reputation Management (ORM) က သတင်းအချက်အလက်များကို စောင့်ကြည့်ခြင်း၊ အမှတ်တံဆိပ်များ အတွက် Online မှဖော်ပြချက်များကို ကိုင်တွယ်ဖြေရှင်းခြင်း Social Media မှ စျေးကွက်ရှာဖွေခြင်းများနဲ့ Public Relation မှာ မလိုလားအပ်တဲ့ အချက်အလက်များကို ဖယ်ရှားခြင်း စတဲ့ လုပ်ငန်းတွေကို လုပ်ဆောင်နေတဲ့လုပ်ငန်းစဥ် တစ်ခုဖြစ်ပါတယ်။ တခြားနည်းပညာဆိုင်ရာလုပ်ငန်းစဥ်များလိုပဲ Reputation Management က အဆက်မပြတ်ပြောင်းလဲနေပါတယ်။ Trend တွေအမျိုးမျိုးရှိတဲ့ထဲက Online Reputation စိတ်ဝင်စားသူများအတွက် ရှင်းလင်းမြင်သာစေမယ့် လမ်းကြောင်း ခြောက်ခု အကြောင်းကို ဆွေးနွေးထားပါတယ်။

၁။ Public ရဲ့သဘောထားအမြင်ကိုစောင့်ကြည့်ပါ။

Reputation နဲ့ပတ်သက်ပြီး ထိထိရောက်ရောက် စီမံခန့်ခွဲနိုင်ဖို့နဲ့ အမြဲတမ်းအကဲဖြတ်နိုင်အောင်လုပ်ဖို့ အရေးကြီးပါတယ်။ အနည်းဆုံး တစ်နေ့ကိုတစ်ကြိမ် Brand နဲ့သက်ဆိုင်တဲ့ အခက်အခဲတစ်စုံတစ်ရာကို စစ်ဆေးပြီး Target Audience ရဲ့သဘောထားများကို အကဲဖြတ်လေ့လာသင့်ပါတယ်။ Online အသုံးပြုသူများရဲ့ loyalty ပြောင်းလဲမှုများကို တစ်လ တစ်ကြိမ်လောက် စောင့်ကြည့်သင့်ပါတယ်။ ကြော်ငြာများနဲ့ PR ကမ်ပိန်းများရဲ့ ထိရောက်မှုများကိုလည်း လစဥ်အကဲဖြတ် သင့်ပါတယ်။ ဒါမှသာ ဘယ် Channel ကနေ ဘယ်လောက်အထိ လုပ်ဆောင်နေကြောင်းကို တန်းသိရှိနိုင်မှာဖြစ်ပါတယ်။ သုံးလတစ်ကြိမ်လောက် စျေးကွက်ရှာဖွေရေးဗျူဟာများအတွက် စျေးကွက်နဲ့ Competitors Research များကိုလည်း ပြုလုပ်သင့်ပါတယ်။

၂။ Community အတွက် စီမံခန့်ခွဲမှုများမှာ အချိန်နဲ့အရင်းအမြစ်များကို ရင်းနှီးမြှုပ်နှံပါ။

University of Michigan မှပြုလုပ်တဲ့ သုတေသနပြုချက်အရ Brand communities ရဲ့ အဖွဲ့ဝင်များက ငွေသုံးစွဲရာမှာ သာမန် Customer များထက် အွန်လိုင်း Customer များအတွက် ၁၉% ပိုသုံးစွဲကြတယ်လို့ ဆိုပါတယ်။ အရောင်းမြှင့်တင်ဖို့ အတွက် Brand Community များစွာကို ဖန်တီးရုံသာမက Customer များနဲ့ ထိတွေ့ဆက်ဆံဖို့ အရေးကြီးပါတယ်။ အဲ့ဒီစီမံခန့်ခွဲမှုများမှာ လက်ရှိအနေအထားများနဲ့ သုံးစွဲသူများထဲမှ ဖြစ်နိုင်ခြေရှိတဲ့ အကြံဉာဏ်ပေးခြင်းများ၊ အငြင်းပွားမှု ဖြေရှင်းခြင်းများ၊ တိုင်ကြားချက်များကို တုံ့ပြန်ခြင်းကိစ္စများ၊ Brand image နဲ့ဆိုင်တဲ့ ကိစ္စရပ်များဖြေရှင်းခြင်းတို့ ပါဝင်ပါတယ်။ Community ဖန်တီးရာမှာ Brand နဲ့ပတ်သက်ပြီး ဝါသနာပါစိတ်ဝင်စားတဲ့သူများနဲ့လည်း ဆက်စပ်ပြီး စိတ်ဝင်စားစရာကောင်းတဲ့ Contentများ လုပ်ဆောင်နိုင်ပါတယ်။

၃။ Communication ကို အရှိန်မြှင့်ပါ။

HubSpot သုတေသနအရ Brand တစ်ခုအတွက် ဆိုရှယ်မီဒီယာအသုံးပြုသူ ၆၃ % က တစ်နာရီအတွင်း အကြောင်းပြန်မှုကို မျှော်လင့်တတ်ကြပါတယ်။ မျှော်လင့်ထားတဲ့အချိန်ဘောင်အတွင်း အကြောင်းပြန်မှုကို မရရှိခဲ့ပါက အပျက်သဘော ဆောင်တဲ့ သုံးသပ်ချက်လို့ သတ်မှတ်နိုင်ပြီး အနာဂတ်မှာလည်း ထုတ်ကုန်များကို ဝယ်ယူဖို့ ငြင်းဆိုခြင်း (ဒါမှမဟုတ်) အဲ့ဒီ Brand ကို သူငယ်ချင်းများနဲ့မိသားစုကို အကြံပေးခြင်းမပြုလုပ်တတ်ပါ။ အပြန်အလှန်အားဖြင့်ဆိုရင် လျင်မြန်တဲ့ တုံ့ပြန်မှုသာရရှိခဲ့ပါက ကျန်ရှိတဲ့သုံးစွဲသူ ၃၄% ကို ထပ်ဆောင်းဝယ်ယူမှုပြုလုပ်ဖို့ သေချာတဲ့အနေအထားဖြစ်လာနိုင်ပါတယ်။

၄။ Say no to scripts and templates

Sproul Social မှ လေ့လာမှုတစ်ခုအရ Reputation ထိန်းသိမ်းထားဖို့အတွက် Customers များနဲ့ဆက်သွယ်ရာမှာ Individual အရရော Personal အရပါ ဘယ်လောက်အရေးကြီးသလဲဆိုတာ မီးမောင်းထိုးပြထားပါတယ်။ ဒါကြောင့်မို့လို့ တစ်သမတ်တည်းဖြစ်နေတဲ့ Scripts တွေအသုံးပြုမယ့်အစား Customers များကို တစ်ဦးချင်းစီ ဘယ်လိုချဥ်းကပ် ရမလဲဆိုတဲ့လမ်းကြောင်းကို ဖန်တီးလုပ်ဆောင်သင့်ပါတယ်။ Script များကို လုံး၀မငြင်းဆန်နိုင်ပြီး လက်တွေ့မကျတဲ့ အချိန်များ ရှိနေသေးတယ်ဆိုတာမှန်ပေမယ့် ထူးခြားတဲ့တုံ့ပြန်မှုတွေကို ဖန်တီးဖို့အတွက် Script Builder များဖြင့် လုပ်ဆောင်ဖို့အရေးကြီးပါတယ်။

၅။ အသုံးပြုသူဖန်တီးထားတဲ့ အကြောင်းအရာများကို ကောင်းစွာအသုံးချပါ။

ကိန်းဂဏန်းအချက်အလက်များဖော်ပြချက်အရ Feedback ကိုမေးမြန်းတဲ့အခါ Customer ၇၀ % က တုံ့ပြန်ချက်ပေးဖို့ ဆန္ဒရှိကြောင်း သိရှိရပါတယ်။ Customers များထံမှ feedback ကိုရရှိဖို့အတွက် SMS, messager, email, website နဲ့ social media အစရှိတဲ့လမ်းကြောင်းမျိုးစုံမှ ကမ်းလှမ်းရရှိနိုင်ပါတယ်။ နောက်တစ်နည်းအနေနဲ့ QR code ကိုအသုံးပြုပြီး ရရှိနိုင်ပါသေးတယ်။ Feedback များကို ချန်ထားခဲ့လို့ရရုံသာမက Customer အတွက်အကျိုးရှိစေမယ့်အကြောင်း အရာများကို လုပ်ဆောင်ရမှာ ဖြစ်ပါတယ်။ သတိပြုစရာတစ်ချက်အနေနဲ့ကတော့ Customer များကို specific positive feedback တောင်းခံမှုကို ရှောင်ကြဥ်ရမှာ ဖြစ်ပါတယ်။ အဲ့ဒီအပြုအမူက Customer များကို ခြယ်လှယ်ကစားနေသလို ပုံစံမျိုးခံစားရစေနိုင်ပါတယ်။

၆။ Work with marketplaces

Dimensional Research စစ်တမ်းတစ်ခုအရ အွန်လိုင်းဝယ်ယူမှုရဲ့ ၉၀ % လောက်က Reviews သုံးသပ်ချက်များအပေါ်မှာ မူတည်နေတယ်လို့ ဆိုပါတယ်။ သုံးသပ်ချက်များက Amazon ကဲ့သို့ ဈေးကွက်များမှာ Products များရဲ့ အဆင့်သတ်မှတ်ချက်နဲ့ လူကြိုက်များမှုကိုလည်း ဆုံးဖြတ်ပေးနိုင်ပါတယ်။ အဲ့ဒီအချက်နှစ်ချက်စလုံးက Product တစ်ခုရဲ့ ရှာဖွေမှုရလဒ်များအတွက် အဆင့်နေရာသတ်မှတ်တဲ့အခါမှာ ဆုံးဖြတ်ပါတယ်။ ဒါကြောင့် Customers များကို စျေးကွက်များမှာ သုံးသပ်ချက် Review များကို ချန်ထားခဲ့ဖို့အတွက် အားပေးလှုံ့ဆော်ဖို့ အရေးကြီးပါတယ်။ Product ရဲ့ အညွှန်းဖော်ပြချက်များကို ရေးသားဖို့လည်းမမေ့ပါနဲ့။ Salsify မှပြုလုပ်တဲ့စစ်တမ်းတစ်ခုအရ အွန်လိုင်းစျေးဝယ်သူတွေရဲ့ ၈၇ % က ကုန်ပစ္စည်းအညွှန်းဖော်ပြချက်နဲ့ အကြောင်းအရာများကို ကြည့်ရှုပြီးမှ ဝယ်ယူဆုံးဖြတ်ကြတယ်လို့ ဆိုပါတယ်။ ဖော်ပြချက်တွေမှာ မလိုအပ်တဲ့အချက်အလက်များ ကျော်မသွားစေဖို့ အရေးကြီးပေမယ့် အတိုချုံ့မတင်ပြမိစေဖို့လည်း အရေးကြီးပါတယ်။ နောက်ထပ် Survey တစ်ခုအရလည်း အရည်အသွေးရှိတဲ့ရုပ်ပုံများနဲ့ ဗီဒီယိုများ ထည့်သွင်းကြေညာဖို့ အရေးကြီးပါသေးတယ်။ Customers ၆၆ % လောက်က ဝယ်ယူမှုမပြုလုပ်မီ Products ရဲ့ပုံများ ကြည့်ရှုခြင်းကို နှစ်သက်ကြပါတယ်။

Reputation Management က အမြဲတမ်းတိုးတက်ပြောင်းလဲနေခြင်း

နှစ်စဉ်နှစ်တိုင်း Reputation စီမံခန့်ခွဲမှုမှာ ခေတ်ရေစီးကြောင်းအလိုက် နည်းအသစ်များ ထွက်ပေါ်လာပါတယ်။ လာမယ့်နှစ်တွေမှာ Reputation စီမံခန့်ခွဲမှုအတွက် Neural networks များ၊ လိုက်လျောညီထွေရှိတဲ့ AI စနစ်များနဲ့ metaverses စနစ်များကို ကျွန်ုပ်တို့ အသုံးပြုလာကြမှာဖြစ်ပါတယ်။ ဒါကြောင့် ဆောင်းပါးမှာဆွေးနွေးထားတဲ့ နည်းပညာများကို အသုံးပြုခြင်းအပြင် မကြာမီ Online Reputation စီမံခန့်ခွဲမှုနယ်ပယ်မှာ အသုံးချနိုင်ဖွယ်ရှိနိုင်တဲ့ နည်းပညာအသစ်များအကြောင်း ဆက်လက်သိရှိရန်ရှာဖွေဖို့လိုအပ်ကြောင်း အကြံပြုထားပါသေးတယ်။

forbes.com မှ Six Online Reputation Management Trends In 2024 ဆောင်းပါးကို ဆီလျော်အောင် ဘာသာပြန်ဆိုထားခြင်းဖြစ်ပါတယ်။

https://www.forbes.com/.../six-online-reputation.../

Daw Zin Lin Htet

BE (Civil-MGTU) M.Sc (Construction Project Mgt), Heriot-Watt University