'' Cross Culture Communication in workplace အကြောင်း သိနားလည်စရာများ ''
ကျွန်မတို့ လူရယ်လို့ ဖြစ်လာကြရင် တစ်ဦးတစ်ယောက်တည်း နေလို့ရတဲ့နေရာ၊ ဘယ်သူနဲ့မှ ဆက်ဆံစရာမလိုတဲ့နေရာဆိုတာ မရှိသလောက်ရှားပါတယ်။ လူဆိုတာမွေးဖွားလာကတည်းက ကိုယ်နဲ့ အနီးစပ်ဆုံး ကိုယ့်မိသားစုကနေစလို့၊ ကိုယ်ပတ်ဝန်းကျင်၊ အလုပ်ပတ်ဝန်းကျင်၊ အပေါင်းအသင်း မိတ်ဆွေ စလို့ ဆက်ဆံပြောဆိုရတဲ့ နေရာများစွာ ရှိပါတယ်။၂၁ ရာစုရဲ့ လုပ်ငန်းခွင်လိုအပ်တဲ့ skill တွေမှာလည်း communication skills ဟာ အင်မတန် အရေးကြီးတဲ့ အခန်းကဏ္ဏကနေ ပါဝင်လာပါတယ်။ ခုနောက်ပိုင်းမှာတော့ ရိုးရိုး communication skills အပြင် intercultural communication skills နဲ့ cross cultural communication skills ဆိုတဲ့ ဘာသာရပ်တွေပါ လုပ်ငန်းခွင်နဲ့ ကျောင်းတွေမှာ သင်ကြားလာကြပါတယ်။
ကျွန်မ ခုပြောမှာကတော့ cross culture communication အကြောင်းပဲ ဖြစ်ပါတယ်။ Cross Culture Communication ဆိုတာ အနီးစပ်ဆုံးပြောရရင် လူတစ်ဦးနဲ့ တစ်ဦးကြား ၊ အဖွဲ့အစည်းတစ်ခုနဲ့တစ်ခုကြား ကောင်းမွန်တဲ့ ထိရောက်မှုရှိတဲ့ ဆက်ဆံရေးရှိဖို့နဲ့ culture မတူညီတဲ့သူတွေကြား ကွဲပြားမှုတွေကို နားလည် လက်ခံလာအောင် သင်ကြားပေးတဲ့ ဘာသာရပ်ဖြစ်ပါတယ်။Cross Culture Communication ကို သိနားလည်ခြင်းက ယဉ်ကျေးမှု နောက်ခံမတူတဲ့သူတွေ အချင်းချင်း တစ်ယောက်နဲ့ တစ်ယောက် ဆက်ဆံရေး ကောင်းမွန်လာပြီး တစ်ယောက်ရဲ့ ယဉ်ကျေးမှု အကျင့်ဓလေ့တွေကို လက်ခံပေးပြီး အချင်းချင်း ညှိနှိုင်းနေထိုင်ပြီး အလုပ်လုပ်ကိုင်နိုင်ကြပါတယ်။
ကမ္ဘာပေါ်မှာ လုပ်ငန်းခွင်တိုင်းက လူတွေ တစ်ဦနဲ့တစ်ဦး ဆက်ဆံပြောဆိုကြရာမှာ culture ဆိုတဲ့ ယဥ်ကျေးမှု ဓလေ့အကြောင်းကို နားလည်ဖို့မှာ လုပ်ငန်းရဲ့ အကြီးအကဲ management ကပဲ နားလည်နေရုံမဟုတ်ဘဲ လုပ်ငန်းတွင်း နေ့စဉ် operation လုပ်ဆောင်နေတဲ့ ဝန်ထမ်းတစ်ဦးချင်းကပါ culture အကြောင်း သိနားလည်ဖို့ လိုအပ်ပါတယ်။ Culture ဆိုတာ နိုင်ငံမတူ၊ ကိုးကွယ်တဲ့ ဘာသာမတူ၊ လူမျိုးမတူတာတင်မဟုတ်ဘဲ လူတစ်ဦးတစ်ယောက်ရဲ့ ကြီးပြင်းရှင်သန်လာတဲ့ ပတ်ဝန်းကျင်၊ ဖြတ်သန်းလာရတဲ့ နောက်ခံ background မတူတာတွေကိုပါ ဆိုလိုပါတယ်။ လူတစ်ဦး တစ်ယောက်နဲ့တစ်ယောက် အလေးထားမှုတွေ၊ ထင်မြင် ယူဆချက်တွေ၊ အကျင့်စရိုက်တွေဟာ တစ်ယောက်နဲ့တစ်ယောက် တူညီနိုင်ဖို့ အင်မတန် ခက်ခဲပါတယ်။
ကျွန်မတို့ နေ့တဒူဝမှာ တစ်ရက် ၂၄ နာရီကို ၃ ပုံပုံလျှင် ၁ပုံ ဖြစ်တဲ့ ၈ နာရီမှာ ကိုယ့်ရဲ့ လုပ်ငန်းခွင်မှာ ကုန်ဆုံးကြရတာပါ။ နေ့တစ်နေ့ရဲ့ productivity အကောင်းဆုံးအချိန်တွေကို လုပ်ငန်းခွင်တွေမှာ ကုန်ဆုံးကြရတာပါ။ ဒီလိုဖြတ်သန်းရတဲ့အခါမှာ ကိုယ်ဖြတ်သန်းနေရတဲ့ လုပ်ငန်းရဲ့ culture, ကိုယ့်လုပ်ဖော် ကိုင်ဖက်တွေရဲ့ culture တွေကို နားလည်လက်ခံထားဖို့ လိုအပ်လှပါတယ်။ မိမိလုပ်ငန်းခွင်အတွင်းမှာ ကိုယ်ရဲ့ အကျင့်စရိုက်တစ်ခုကြောင့် သူတစ်ပါးထိခိုက်တာမျိုး၊ ဒါမှမဟုတ် တခြားလူတစ်ဦးတစ်ယောက်ရဲ့ အကျင့်စရိုက်၊ ဓလေ့ကြောင့် ကိုယ့်ကို မထိခိုက်စေဖို့ misunderstanding မဖြစ်စေဖို့ လုပ်ငန်းခွင်တိုင်းမှာ cross culture communication ကို သိထားဖို့ လိုအပ်လှပါတယ်။
လုပ်ငန်းခွင်မှာ culture တွေကို တစ်ယောက်နဲ့တစ်ယောက် သေချာနားလည်အောင် မသိကြတဲ့အတွက် လုပ်ငန်းခွင်မှာ အမှားသေးသေးလေးကစလို့ တစ်ဦးတစ်ယောက်ချင်း၊ group တစ်ခုစီအလိုက် မလိုလား အပ်တဲ့ ကတောက်ကဆလေးတွေ ဖြစ်ပေါ်လာနိုင်ပါတယ်။ ဒီလိုအဆင်မပြေမှုတွေကစလို့ ကျွန်မတို့ လုပ်ငန်းခွင်ကို ထိခိုက်လာနိုင်တာတွေမျိုးအပြင်၊ အဲ့လိုဝန်ထမ်းတွေကနေ ထုတ်ပေးလိုက်တဲ့ productivity တွေလည်း ကောင်းလာနိုင်မှာ မဟုတ်ပါဘူး။ Productivity ပိုင်းမှာ ပိုကျလာနိုင်ပါတယ်။ ဒါ့အပြင် အဲလို လုပ်ငန်းခွင်အတွင်းက ဝန်ထမ်းတွေကို management လုပ်ရတာမှာလည်း ခက်ခဲလာနိုင်ပါတယ်။ ဒါကြောင့် Cross culture communication နဲ့ ပတ်သက်လို့ လုပ်ငန်းခွင်အတွင်း communication ကောင်းဖို့ နည်းလမ်းများနဲ့ effective cross culture communication ကို အဟန့်အတားဖြစ်နေတဲ့ အကြောင်း အရာတွေကို အနည်းငယ်တင်ပြပေးသွားပါမယ်ရှင့်။
Cross Culture Communication ကိုအဟန့်အတားဖြစ်စေတဲ့ တချို့ အချက်တွေမှာ -
1. Assumption of Similarities - ဥပမာ လုပ်ငန်းခွင်အတွင်း ကိုယ်မြင်လိုက်တဲ့ အကြောင်းရာတစ်ခုကို မူတည်ပြီး ကြိုတင်ကောက်ချက်ချခြင်းပါ။ လူတစ်ဦးတစ်ယောက်စီဟာ ကြီးပြင်းလာတဲ့ နောက်ခံ background မတူညီကြတဲ့အခါမှာ တစ်ယောက်ချင်းစီရဲ့ assumption လုပ်တာချင်းလည်း မတူညီနိုင်ကြပါဘူး။ အဲဒီ အတွက်ကြောင့် အကြောင်းအရာတစ်ခုကို သေချာစွာမသိဘဲ ကိုယ့်ထင်မြင်ယူဆချက်နဲ့ လူတစ်ဦး တစ်ယောက်ကို ဆုံးဖြတ်ခြင်း၊ ဝေဖန်ခြင်းများ ရှောင်ကြဥ်သင့်ပါတယ်။
2. Language Difference- Communication တစ်ခုမှာ ဘာသာစကားက အရေးကြီးတဲ့ နေရာကနေ ပါဝင်ပါတယ်။ Communication လုပ်တဲ့နေရာ obstacles တွေထဲမှာလည်း language differences က တွေ့ရများပါတယ်။ တစ်ခါတစ်ခါမှာ အသုံးပြုတဲ့ language တစ်ခုတည်း တူရင်တောင် လေယူလေသိမ်း မတူတာနဲ့ အဓိပ္ပာယ်မတူတာတွေ အခက်ခဲဖြစ်ရတာတွေ ကျွန်မကိုယ်တိုင်လည်း အများကြီး ကြုံခဲ့ရပါတယ်။
3. Nonverbal misinterpretation-communicate လုပ်တဲ့နေရာမှာ verbal နဲ့ non verbal ရှိတဲ့ထဲကမှ culture မတူညီတဲ့သူတွေမှာ non verbal နဲ့ communicate လုပ်တဲ့အခါမှာ သတိထားရမှာတွေ သိနားလည်ရမှာတွေ များလှပါတယ်။ ကျွန်မတို့နိုင်ငံမှာလည်း အသုံးပြုတဲ့ OK sign ဟာ တချို့နိုင်ငံတွေမှာလည်း OK ဒါမှမဟုတ် money လို့ interpret လုပ်ပေမယ့် Brazil လို နိုင်ငံတွေကျ ဆဲဆိုတဲ့ စကားလုံးဖြစ်တဲ့အတွက် culture မတူညီတဲ့နေရာတွေမှာ communicate လုပ်ကြရင် Non verbal နဲ့ communicate လုပ်တာကို အင်မတန် သတိထားကြဖို့ လိုပါတယ်၊၊
4. Perception & stereotypes - လုပ်ငန်းခွင်အတွင်းမှာ ကြိုတင်ယူဆချက်တွေနဲ့ လူတွေကို တစ်သမတ်တည်း ဘောင်ခတ်ပြီး ကြည့်တတ်ခြင်းကလည်း အခြေအနေမှန်၊ ပြဿနာရဲ့ အဖြေမှန်တွေကိုတွေ့ဖို့ မလွယ်ပါဘူး။ ကိုယ်မြင်နေကြ အမြင်ကနေပဲ ကြည့်နေတတ်ရင် တကယ့်အခြေအနေမှန်ကို မြင်ဖို့ခက်ခဲပါတယ်။
5. Tendency to evaluate - ကိုယ်အလုပ်လုပ်ကိုင်နေတဲ့ ပတ်ဝန်းကျင်ကို လေ့လာစူးစမ်းမှု မရှိခြင်းကလည်း လုပ်ငန်းခွင်အတွင်းမှာ အဆင်မပြေမှုများ ဖြစ်ပေါ်စေပါတယ်။ လုပ်ငန်းရဲ့ culture ၊ လုပ်ဖော်ကိုင်ဖက်တွေရဲ့ culture ကို လေ့လာစူးစမ်းမှု မရှိခြင်းကလည်း လုပ်ငန်းခွင်အတွင်း နားလည်မှုလွဲခြင်းကို ဖြစ်ပေါ်စေပါတယ်။
6. High Anxiety - စိတ်ပူပန်မှုများနေခြင်းကလည်း communicate လုပ်တဲ့နေရာမှာ အဟန့်အတား ဖြစ်စေပါတယ်။ Culture မတူတဲ့လူတွေကြား communicate လုပ်ရတာဟာ စိတ်လှုပ်ရှားမှုပိုများစေပြီး emotion အတက်အကျ များလှပါတယ်။ emotion များရင် တကယ် condition အမှန်ကျမမြင်နိုင်ဘဲ နားလည်မှုလွဲတာတွေ ဖြစ်စေနိုင်တဲ့အတွက် anxiety ဖြစ်တာကို ထိန်းနိုင်လျှော့ချနိုင်ရပါမယ်။
ယနေ့ခေတ် လုပ်ငန်းခွင်တွေဟာ ကမ္ဘာအနှံ့အပြား ဆက်သွယ်ဆောင်ရွက်နေရတဲ့အတွက် anxiety ရှိနေနိုင် ပေမယ့်လည်း အတတ်နိုင်ဆုံး emotion ကို ထိန်းနိုင်အောင် ကြိုးစားရပါမယ်။ Cross Culture Communication မှာ ရှောင်ရန်များပြောခဲ့သလို ဆောင်ရန်အချက်များ အကျိုးရှိစေမယ့် အချက်များလည်း အတိုချုပ်ပြောပေးသွားပါ့မယ်။
1. Maintain Etiquette- လုပ်ငန်းခွင်းတိုင်းမှာရှိတဲ့ ကျင့်ဝတ်ထုံးတမ်းများကို စောင့်ထိန်းလိုက်နာခြင်း။
2. Avoid Slang - တစ်နေရာနဲ့ တစ်နေရာ နားလည်မှုခြင်း မတူညီတဲ့အတွက် ဗန်းစကားများ သုံးခြင်း ရှောင်ကျဥ်ရပါမယ်။
3. Speak slowly & clearly - ဘယ်နေရာမှာမဆို ကိုယ်ပြောမယ့်စကားကို ဖြေးဖြေးမှန်မှန်နဲ့ ရှင်းရှင်း လင်းလင်း ပြောတတ်ခြင်းကလည်း အရေးကြီးလှပါတယ်။
4. Avoid Closed questions- ဘာသာစကား မတူတဲ့နေရာတွေမှာဆိုရင် closed questions သုံးခြင်းကို အတတ်နိုင်ဆုံး ရှောင်ကြဥ်ရပါမယ်။
5. Be careful with humor- ကိုယ့်နိုင်ငံ ကိုယ့်ဘာသာစကားမှာ တချို့ စကားလုံးတွေက ဟာသအနေနဲ့ ရှိပေမယ့် ဘာသာမတူ ယဥ်ကျေးမှုမတူတဲ့နေရာတွေမှာ အသုံးပြုခြင်းကို ဂရုစိုက်ရပါမယ်။
6. Consider Any special needs of team member - တစ်နေ့တာရဲ့ ၈နာရီမှာ အတူတကွ ရှိတဲ့ ကိုယ့် team member တွေရဲ့ လိုအပ်ချက်တွေ၊ သူတို့နေရာမှာ ကိုယ်သာဆိုရင်ဆိုတဲ့ စိတ်ထားပေးနိုင်ရပါမယ်။
ဒါ့အပြင် နောက်ဆုံးအနေနဲ့ အရေးကြီးတာ တစ်ခုက လုပ်ငန်းခွင်မှာပဲဖြစ်ဖြစ် ဘယ်နေရာမှာမဆို Active listening ကို ကျင့်သုံးပေးခြင်းက လူအများနဲ့ ဆက်ဆံတဲ့နေရာမှာ အကောင်းဆုံး အကျိုးပြုစေပါတယ်။ Cross Culture Communication အကြောင်းအရာကို သိထားခြင်းက လူအများနဲ့ ဆက်ဆံတဲ့နေရာမှာ ယုံကြည်မှုပိုရှိလာစေပြီး လုပ်ငန်းခွင်တွေမှာလည်း ကောင်းမွန်တဲ့ working environment လေးကို ဖန်တီးနိုင်မှာ ဖြစ်ပါတယ်။
Daw Ei Mon Soe
ME-IT(TU-Mdy)
MBA (SIU, Thailand)