Quantum Computing : ကွမ်တမ်မက္ကင်းနစ်ရဲ့ စွမ်းအား
Quantum (ကွမ်တမ်) ကွန်ပျူတာဟာ ကျွန်ုပ်တို့ သတင်းအချက်အလက်ကို စီမံဆောင်ရွက်ပုံနဲ့ ရှုပ်ထွေးတဲ့ ပြဿနာများကို ကိုင်တွယ်ဖြေရှင်းဖို့ ကြီးမားပြီး ဖြေရှင်းတဲ့နည်းလမ်းများကို ကိုင်စွဲထားတဲ့ ထွန်းသစ်စ နယ်ပယ်တစ်ခု ဖြစ်ပါတယ်။ ယနေ့ခေတ်မှာ ကွန်ပျူတာကမ္ဘာနဲ့အတူ ဖြစ်နိုင်ခြေရှိတဲ့ နယ်နိမိတ်များကို တွန်းပို့နိုင်တဲ့ နည်းပညာဆိုင်ရာ အောင်မြင်မှုများကို အမြဲရှာဖွေနေလျက်ရှိပါတယ်။ နှစ်များတစ်လျှောက်မှာလည်း ဟာ့ဒ်ဝဲ၊ ဆော့ဖ်ဝဲလ်များမှ တိုးတက်မှုများစွာထဲက Quantum (ကွမ်တမ်) ကွန်ပျူတာများ ထွန်းကားခြင်းကလည်း အင်မတန်ကောင်းတဲ့ အလားအလာကောင်းတစ်ခုဖြစ်ပါတယ်။ သိပ္ပံနည်းကျ သုတေသန၊ ဉာဏ်ရည်တုနဲ့ cryptography များမှာ နယ်ပယ်အသစ်များကို ဖွင့်ပေးနိုင်ပြီး အလားအလာရှိတဲ့ ကိန်းဂဏန်း တွက်ချက်မှုဆိုင်ရာ စွမ်းအားများနဲ့ ကွန်ပျူတာနယ်ပယ်ကို လွှမ်းမိုးလာမယ့် အလားအလာများရှိပါတယ်။
ယနေ့ခေတ် ဒစ်ဂျစ်တယ်ခေတ်မှာ ကိန်းဂဏန်းအချက်အလက်များရဲ့ သိမ်းဆည်းမှုပဏာမ ကြီးထွားလာတာနဲ့အမျှ လုပ်ထုံးလုပ်နည်းဟောင်းတွက်ချက်မှုနည်းလမ်းများဟာ အကန့်အသတ်များရောက်ရှိ နေပြီဖြစ်ပါတယ်။ Quantum (ကွမ်တမ်) ကွန်ပျူတာဟာ ပါရာဒိုင်းအသစ်ကို ပေးဆောင်ပြီး မကြုံစဖူးတဲ့အမြန်နှုန်းနဲ့ တွက်ချက်မှုများကို လုပ်ဆောင်ဖို့ Quantum (ကွမ်တမ်) မက္ကင်းနစ်ရဲ့အခြေခံမူများကိုအသုံးချကာ တွက်ချက်ခြင်းပဲ ဖြစ်ပါတယ်။ ဒီဆောင်းပါးမှာ Quantum (ကွမ်တမ်) ကွန်ပျူတာ လောကကို စူးစမ်းလေ့လာပြီး သူ့ရဲ့အခြေခံမူများ၊ အသုံးချမှုများနဲ့ အမျိုးမျိုးသောစက်မှုလုပ်ငန်းများအပေါ် ဖြစ်ပေါ်လာနိုင်တဲ့ သက်ရောက်မှုတချို ပါဝင်ပါတယ်။
Quantum Computing ဆိုသည်မှာ
Quantum (ကွမ်တမ်) ကွန်ပျူတာများရဲ့ နောင်ဖြစ်လာမယ့် အလားအလာကို မစူးစမ်းမီမှာ ရူပဗေဒနဲ့သက်ဆိုင်တဲ့ Quantum (ကွမ်တမ်) မက္ကင်းနစ်ရဲ့ အခြေခံများကို အရင်ဆုံးလေ့လာဖို့ အရေးကြီးပါတယ်။ 0 သို့မဟုတ် 1 ရှိတဲ့ ဘစ်များကို အသုံးပြုတဲ့ ရှေးရိုးကွန်ပျူတာများနဲ့မတူဘဲ Quantum (ကွမ်တမ်) ကွန်ပျူတာများဟာ Quantum (ကွမ်တမ်) ဘစ် ဒါမှမဟုတ် qubits ကို အသုံးပြုပါတယ်။ Qubits မှာ superposition လို့ခေါ်တဲ့ ထူးခြားဝိသေသတစ်ခုရှိပါတယ်။ ဘယ်လိုမျိုးလဲဆိုတော့ သူတို့က 0 နှင့် 1 နှစ်ခုလုံးကို တစ်ပြိုင်နက်တည်းဖြစ်နိုင်ပြီး သတင်းအချက်အလက် လုပ်ဆောင်နိုင်မှု အလားအလာများကိုပိုမို ချဲ့ထွင်နိုင်ပါတယ်။
Quantum ကွန်ပျူတာများဟာ quantum parallelism (မျဉ်းပြိုင်ဝါဒ) လို့ခေါ်တဲ့ လုပ်ငန်းစဉ်ဖြင့် တွက်ချက်မှုများကို ပြိုင်တူလုပ်ဆောင်ပါတယ်။ superposition ကိုအသုံးပြုကာ တစ်ချိန်တည်းမှာပဲ တွက်ချက်မှုများစွာကို လုပ်ဆောင်နိုင်ပြီး ယခင်က ကွန်ပျူတာများနဲ့ နှိုင်းယှဉ်ပါက တွက်ချက်မှုစွမ်းအားကို အဆများစွာတိုးမြင့်ပြီး လုပ်ဆောင်နိုင်ပါတယ်။ ဒါ့အပြင် Quantum (ကွမ်တမ်) ကွန်ပျူတာများဟာ ချိတ်ဆက်မှုလို့ခေါ်တဲ့ တခြား Quantum (ကွမ်တမ်) စက်ပိုင်းဆိုင်ရာဖြစ်စဉ်ကို အသုံးပြုပြီး qubits များဖြင့် အပြန်အလှန်ချိတ်ဆက်ကာ ပိုမိုမြန်ဆန်တဲ့ ဆက်သွယ်ရေးနဲ့ ပြဿနာဖြေရှင်းနိုင်မှုစွမ်းရည်များကို မြှင့်တင်ပေးပါတယ်။
အလားအလာရှိတဲ့ အက်ပ်များ-
-
သိပ္ပံသုတေသန (Scientific Research) ကို အရှိန်မြှင့်ခြင်း- Quantum ကွန်ပျူတာများဟာ သိပ္ပံသုတေသနအတွက် ကြီးမားတဲ့ အလားအလာရှိပါတယ်။ သူတို့ရဲ့ စီမံလုပ်ဆောင်မှုစွမ်းအားက ရှုပ်ထွေးတဲ့ ဓာတုတုံ့ပြန်မှုများ၊ ပစ္စည်းဂုဏ် သတ္တိများနဲ့ မော်လီကျူးဖွဲ့စည်းပုံများကို လုပ်ဆောင်နိုင်စေပြီး ဆေးဝါးရှာဖွေတွေ့ရှိမှု၊ ပစ္စည်းများ၊ ဒီဇိုင်းနဲ့ သဘာဝ ပတ်ဝန်းကျင်ဆိုင်ရာ သုတေသနပြုမှုများမှာ တိုးတက်မှုကို အထောက်အကူ ဖြစ်စေနိုင်ပါတယ်။
-
ပိုမိုကောင်းမွန်အောင်ပြုလုပ်ခြင်းနဲ့ ပုံစံအသိအမှတ်ပြုခြင်း- Quantum (ကွမ်တမ်) ကွန်ပျူတာများဟာ အကောင်းမွန်ဆုံး ဖြေရှင်းချက်ရှာဖွေဖို့ ဒေတာအများအပြားကို တစ်ပြိုင်နက်တည်း စစ်ဆေးနိုင်ပါတယ်။ ဒီစွမ်းရည်က ထောက်ပံ့ ပို့ဆောင်ရေး၊ ထောက်ပံ့ရေးကွင်းဆက်စီမံခန့်ခွဲမှု၊ ဘဏ္ဍာရေးပုံစံ တည်ဆောက်မှုနဲ့ ဒေတာအစုအဝေးကြီးကို ထိရောက်မြန်ဆန်စွာ ခွဲခြမ်းစိတ်ဖြာဖို့ လိုအပ်တဲ့ စံနမူနာပြုခြင်းဆိုင်ရာ လုပ်ငန်းဆောင်တာများကို တိုးမြှင့်ပေးနိုင် ပါတယ်။
-
Artificial Intelligence - Quantum (ကွမ်တမ်) ကွန်ပျူတာဟာ စက်သင်ယူမှု အယ်လဂိုရီသမ်များကို ပြောင်းလဲစေပြီး သူတို့ကို ပိုမိုမြန်ဆန်တိကျစေပါတယ်။ Quantum (ကွမ်တမ်) အယ်လဂိုရီသမ်များကို အသုံးချခြင်းဖြင့် ရှုပ်ထွေးတဲ့ ဉာဏ်ရည်တုပုံစံများကို ပိုမိုထိရောက်စွာ လေ့ကျင့်သင်ကြားနိုင်စေပြီး စကားပြောမှတ်သားမှု၊ သဘာဝဘာသာစကားဖြင့် လုပ်ဆောင်မှု၊ ရုပ်ပုံအမျိုးအစားခွဲခြားမှုနဲ့ မောင်းနှင်မှုစနစ်များပါ တိုးတက်လာစေမှာ ဖြစ်ပါတယ်။
-
Cryptography နှင့် လုံခြုံရေး- Quantum ကွန်ပျူတာများဟာ cryptography အတွက် သက်ရောက်မှုများရှိပါတယ်။ ယခင်ကွန်ပျူတာများထက် ရှုပ်ထွေးတဲ့ သင်္ချာပုစ္ဆာများကို ပိုမိုထိရောက်စွာ ဖြေရှင်းနိုင်မှုဟာ လက်ရှိကုဒ်ဝှက်ခြင်း နည်းလမ်းများအတွက် သိသာထင်ရှားတဲ့ စိန်ခေါ်မှုတစ်ခုဖြစ်ပါတယ်။ သို့ပေမဲ့ သူတို့ဟာ ယခင်ကွန်ပျူတာများမှ တိုက်ခိုက်မှုများကို ခံနိုင်ရည်ရှိပြီး ပိုမိုခိုင်မာတဲ့ ကုဒ်ဝှက်စနစ်များအတွက် အလားအလာများကို ဆောင်ကြဉ်းပေးကာ ဒစ်ဂျစ်တယ်ငွေကြေးလွှဲပြောင်းမှုနဲ့ ဆက်သွယ်ရေးများအတွက် ပိုမိုကောင်းမွန်တဲ့လုံခြုံရေးကို ပေးဆောင်လာပါတယ်။
လက်ရှိစိန်ခေါ်မှုများနဲ့ အနာဂတ်အလားအလာများ-
သူတို့က ကြီးမားတဲ့ အလားအလာရှိပေမယ့်လည်း Quantum (ကွမ်တမ်) ကွန်ပျူတာများရဲ့ ဖွံ့ဖြိုးတိုးတက်မှုဟာ အစောပိုင်းအဆင့်မှာပဲ ရှိနေသေးပါတယ်။ အဓိကစိန်ခေါ်မှုများမှာ အမှားအယွင်းများကို လျှော့ချဖို့ qubits များရဲ့တည်ငြိမ်မှုကို ထိန်းသိမ်းခြင်း၊ qubits အရေအတွက်ကို ချဲ့ထွင်ခြင်းနဲ့ ပြင်ပဝင်ရောက်စွက်ဖက်မှုကြောင့် ဖြစ်ပေါ်လာတဲ့ အခြေအနေများကို လျှော့ချခြင်းတို့ ပါဝင်ပါတယ်။ ဒီနည်းပညာဆိုင်ရာ အတားအဆီးများကို ကမ္ဘာတစ်ဝှမ်းရှိ သုတေသီများက ကိုင်တွယ်ဖြေရှင်းလျက် ရှိပါတယ်။
ရေရှည်မှာ Quantum (ကွမ်တမ်) ကွန်ပျူတာများ တိုးတက်ပြောင်းလဲလာတာနဲ့အမျှ သူတို့ဟာ ယခင်က ဖြေရှင်းလို့မရတဲ့ ဒါမှမဟုတ် တွက်ချက်မှုအရမဖြစ်နိုင်လို့ ယူဆထားတဲ့ပြဿနာများကို ဖြေရှင်းဖို့ ကြီးမားတဲ့ အလားအလာရှိပါတယ်။ Quantum (ကွမ်တမ်) အယ်လဂိုရီသမ်အသစ်များ၊ ပိုမိုကောင်းမွန်တဲ့ ဟာ့ဒ်ဝဲဒီဇိုင်းများနဲ့ ပညာရှင်များ၊ စက်မှုလုပ်ငန်းနဲ့ အစိုးရများအကြား ပူးပေါင်းဆောင်ရွက်မှုများဟာ Quantum (ကွမ်တမ်)ကွန်ပျူတာရဲ့ အနာဂတ်ကို ပုံဖော်ရာမှာ အရေးပါတဲ့အခန်းကဏ္ဍမှ ပါဝင်မှာဖြစ်ပါတယ်။
နိဂုံး-
Quantum (ကွမ်တမ်) ကွန်ပျူတာများဟာ ကွန်ပျူတာလောကမှာ ယခုအချိန်အထိ ရှုပ်ထွေးတဲ့ ကွန်ပျူတာဆိုင်ရာ စိန်ခေါ်မှုများကို ကိုင်တွယ်ဖြေရှင်းနိုင်တဲ့ အလားအလာကို ပေးဆောင်နိုင်ပါတယ်။ သိပ္ပံနည်းကျအောင်မြင်မှုများနဲ့ ပိုမိုကောင်းမွန်အောင်ပြုလုပ်ခြင်းမှ ပိုမိုကောင်းမွန်တဲ့ artificial intelligence (ဉာဏ်ရည်တု)နဲ့ လျှို့ဝှက်စာဝှက်စနစ်အထိ၊ Quantum (ကွမ်တမ်) ကွန်ပျူတာများဟာ လုပ်ငန်းအမျိုးမျိုးကို ပြောင်းလဲဖို့နဲ့ အသိပညာ နယ်ပယ်အသစ်များကိုဖွင့်ဖို့ စွမ်းအား ရှိပါတယ်။ Quantum (ကွမ်တမ်) နည်းပညာ ဖွံ့ဖြိုးတိုးတက်မှုဟာ အကန့်အသတ်မရှိတဲ့ ကွန်ပျူတာစွမ်းအားကို သိရှိနိုင်တဲ့ အနာဂတ်အတွက် အခြေခံအုတ်မြစ်ကို တည်ဆောက်ခြင်းအတွက် စိတ်လှုပ်ရှားစရာကောင်းတဲ့ သုတေသနနယ်ပယ်တစ်ခု ဖြစ်ကြောင်း ငြင်းမရနိုင်ပါဘူး။
Marcelo A. Serafim ရေးသားတဲ့ Quantum Computing: Unleashing the Power of Quantum Mechanics ဆောင်းပါးနဲ့ Jimmy Patel ရေးသားတဲ့ "Quantum Computing : Unleashing the Power of Parallel Universes" ဆောင်းပါးတို့ကို ဘာသာပြန် မှီငြမ်းရေးသားထားပါတယ်။
Dr. La Wynn Sandi
B.C.Sc, CU (KT) ,B.C.Sc (Hons), CU (KT),
M.C.Sc, CU (KT),Ph.D (IT), (U.C.S.M)