" ငွေကြေးအကျပ်အတည်းကာလတွင် စားသုံးသူများ ရေရှည်တည်မြဲအောင် ထိန်းသိမ်းနည်း "

ယခုအခါမှာ မြင့်မားလာသောငွေကြေးဖောင်းပွမှုနှင့် လူနေမှုစရိတ်များ မြင့်တက်လာမှုကြောင့် စားသုံးသူများသည် အပြောင်းလဲများကိုလုပ်ဆောင်လာကြသည်။ ဥပမာအားဖြင့် ပုံမှန်ဝယ်ယူနေကျ ပမာဏ ထက်လျော့ချဝယ်ယူခြင်း၊ ဈေးသက်သာသော ပစ္စည်းများ ပြောင်းလဲသုံးစွဲခြင်း၊ သုံးစွဲနေကြ အမှတ်တံဆိပ် များနေရာတွင် အခြားအစားထိုးတံဆိပ်များ ပြောင်းလဲ သုံးစွဲလာခြင်းစသည် တို့ကိုလုပ်ဆောင်လာကြသည်။

စွန့်ဦးတီထွင် လုပ်ငန်းရှင်များသည်လည်း မိမိတို့ရဲ့ စားသုံးသူကို ဆက်လက်ထိန်းသိမ်းဖို့ ကြိုးစား နေရင်း တစ်ဖက်တွင် ကုန်ကျစရိတ် မြင့်တက်လာခြင်းကို ရင်ဆိုင်နေကြရသည်။ အချို့လုပ်ငန်းရှင်များအနေ ဖြင့် တိုးမြှင့်လာသည့် ထုတ်လုပ်မှုကုန်ကျစရိတ်များကို သက်သာစေရန် စျေးနူန်းများကို ထပ်တိုးမြှင့် ကာ စား သုံးသူများကို ရောင်းချကြသည်။

တစ်ချို့ လုပ်ငန်းများအနေဖြင့် ကျပ်တည်းနေသည့်အချိန်တွင် အမြတ်ကျန်စေရန် စျေးနူန်းတိုးမြှင့်ရုံ သာမက ထုတ်ကုန်၏ အရည်အသွေးကိုပါ လျော့ချပြီး ထုတ်လုပ်ရောင်းချလာကြသည်။ ဥပမာအားဖြင့် လွန်ခဲ့သည့် သုံးလလောက်က ငွေကျပ် ၃၀၀၀ ကျော်ဖြင့်ရောင်းချသည့် ဒံပေါက်တစ်ပွဲဆိုလျှင် ယခုအခါ အ နည်းဆုံး ၄၅၀၀ ကျပ်ဖြင့်ရောင်းချနေသည်ကို တွေ့ရသည်။ ဒံပေါက်ဈေးတက်ရုံသာမကထည့်ဝင် သုံး စွဲ သည့် ကုန်ကြမ်းပစ္စည်းများတွင် နဂိုကထက် အရည် အသွေး ညံ့သော ဆန်၊ ထောပတ်၊ ဆီကိုသာ အသုံးပြု ခြင်း၊ ကြက်သားအတုံးများ သေးငယ်သွားခြင်း၊ သီဟိုစေ့၊ စပျစ်စေ့များ ပါရုံလောက်သာ အသုံးပြုခြင်း စသည်တို့ဖြင့် ကုန်ကျစရိတ်များကာမိအောင် နည်းလမ်းမျိုးစုံဖြင့် ကြံဆဆောင်ရွက်နေကြသည်။

ထိုအခါ မိမိလုပ်ငန်း၏ ပုံမှန်ဖောက်သည်ဖြစ်သည့် စားသုံးသူများသည် ဈေးကြီးပေးရသည့်အပြင် နဂိုထုတ်ကုန်အရည်အသွေး မရရှိသည့်အတွက် မိအေးနှစ်ခါနာဖြစ်ရသည်။ စားသုံးသူများကို မိမိလုပ်ငန်းတွင် ဘယ်လောက်ကြာကြာ ထိန်းထားနိုင်မလဲဆိုတာကို လုပ်ငန်းရှင်များ သတိကြီးစွာ ထားသင့်ပါသည်။

စားသုံးသူများကို လေ့လာနေသော ကုမ္ပဏီဖြစ်သည့် QuMind ၏ သုတေသနပြုချက်အရ ယူကေရှိ စားသုံးသူများ၏ ၄၉ရာခိုင်နူန်းအနေဖြင့် နာမည်ကြီးအ မှတ်တံဆိပ် ထုတ်ကုန်များကို စျေးနူန်းမပြောင်းလဲဘဲ ပုံမှန်စျေးအတိုင်း ရောင်း ချစေလိုကြသည်။ စားသုံးသူ ၄၁ ရာခိုင်နှုန်း အနေဖြင့် ကုန်ပစ္စည်းကို အခမဲ့ ပို့ဆောင် ပေးစေလိုခြင်းနှင့် အိမ်တိုင်ရာရောက် ဝန်ဆောင်မူပေးခြင်းကို လို လားကြသည်။

QuMind ၏အမှုဆောင်အရာရှိချုပ် Mark Ursell က “လုပ်ငန်းရှင်တွေဟာ စားသုံးသူတွေရဲ့ ပြောင်းလဲ မူကို တုန့်ပြန်ရာမှာ မြန်ဆန်ဖို့ လိုပါတယ်။ သို့သော် လည်း ဆုံးဖြတ်ချက်တွေက ခံစားချက်အပေါ် အခြေခံမူ ထက် စားသုံးသူတွေရဲ့ အမြင်နဲ့ လိုအပ်ချက်အပေါ်ကိုသာ အခြေခံရပါမယ်။ ယခုအချိန်မှာ မရေရာတဲ့ ခန့်မှန်း ဆုံးဖြတ်ချက်တွေ ချမှတ်ဆောင်ရွက်မူက စီးပွားရေးအခွင့်အလမ်းတွေကို လက်လွတ်ဆုံး ရှုံးစေနိုင်ပါတယ်။ ဒါတင်မကပါဘူး စားသုံးသူတွေရဲ့ လိုအပ် ချက်ကို ဖြည့်စွမ်းနိုင်မူမရှိတဲ့ လုပ်ငန်းသစ်တွေ အပေါ် ရင်းနှီးမြုပ်နှံမူကလည်း စွန့်ဦးတီထွင်တွေအတွက် ရင်းနှီးသမျှငွေတွေ ဆုံးရှုံးစေနိုင်ပါတယ် “ ဟု ပြောကြားသည်။

ဈေးလျော့ပေးသည့် ဗျူဟာဖြင့် သုံးစွဲသူများကို ပံ့ပိုးပါ

အချို့သောကုမ္ပဏီများသည် ထုတ်ကုန်ပစ္စည်းများ၏ စျေးနှုန်းများ မတိုးမြင့်ဘဲ စားသုံးသူများကို ဝယ် ယူနေကြဈေးနှုန်းအတိုင်း ဝယ်ယူနိုင်ရန် ဆောင်ရွက်ပေးကြသည်။ (စကား ချပ်။ ။ ရှုးရှဲလက်ဖက်သည် ခေတ်ကာလအမျိုးမျိုးပြောင်း လဲမှုများကြုံရသော်လည်း ဈေးနှုန်းပြောင်း လဲမှု မလုပ်ဘဲ ပုံမှန်ရောင်းဈေးနှုန်း ၅၀ကျပ်ဖြင့်သာ ကာလအတန်ကြာထိန်း၍ ရောင်းချခြင်းဖြစ်သည်။ )

Rock Balboa သည် လွန်ခဲ့သည့် ၁၆နှစ်က ၎င်း၏ ဗီတာမင်နှင့် အာဟာရကုမ္ပ ဏီ Rock's Discount Vitamins-N-Moreကို စတင်တည်ထောင်သည့် အခါတွင် မည်သည့် ပြိုင်ဘက်များထက်မဆို စျေးနှုန်း သက်သာအောင် လျှော့စျေးထားရှိမည်ဟု ကတိပြုခဲ့သည်။ ကုမ္ပဏီ၏ အဖွဲ့အစည်းဆိုင်ရာ ဖွံ့ဖြိုးတိုးတက် မှုဆိုင်ရာ ဥက္ကဌ Richard Trevino ၏ရှင်းပြချက်အရ အဆိုပါဗျူဟာသည် ယနေ့တွင်လည်း ဆက်လက်တည်ရှိနေသည်။

“ပြီးခဲ့တဲ့နှစ်များအတွင်း စီးပွားရေး ကျဆင်းမှုနှင့် မတည်ငြိမ်မှုတွေနဲ့အတူ ထုတ်ကုန်တွေရဲ့ ကုန်ကျ စရိတ်တွေက တစ်ဟုန်ထိုးတက်လာပါတယ်။ အဲဒီအတွက် ဖြည့်စွက်အားဆေး ရောင်းချတဲ့ ကုမ္ပဏီတော် တော်များများ ဒီလုပ် ငန်းနယ်ပယ်အတွင်းက ထွက်ခွာသွားခဲ့ရတယ်။ သို့သော်လည်းပဲ Rock အနေနဲ့ ရောင်းချ နေတဲ့ ဖြည့်စွက်ဆေးဝါးတွေက စားသုံးသူတွေ အတွက် မရှိမဖြစ် သုံးစွဲဖို့ လိုအပ်တဲ့အတွက် စား သုံးသူတွေ အပေါ် စျေးတင်ပြီး မရောင်းခဲ့ပါဘူး။စျေးမြှင့်မရောင်းဖို့ စားသုံးသူတွေကို ကတိပေးထားတာမို့ ကျွန်တော်တို့ရဲ့ ဘဏ္ဍာရေးကိုပဲ ပြန်လည်အကဲဖြတ်ပါတယ်။ ကျွန်ုပ်တို့ရဲ့ စျေးနှုန်းတွေကို မမြှင့်တင်ဘဲ ထုတ်လုပ်မှု ကုန်ကျစရိတ်ကို တတ်နိုင်သမျှ ထိန်းထားနိုင်ဖို့ ကုန်ကြမ်းပစ္စည်း ရောင်းချသူတွေနဲ့ ပြန်လည် ညှိနှိုင်းတာမျိုး လုပ်ခဲ့ ရပါတယ်။ ကုန်ဈေး နှုန်း မြင့်တက်မှုနဲ့ ငွေကြေးကျပ်တည်းမှု မုန်တိုင်းဒဏ်တို့ကို ကြံ့ကြံ့ခံနေပါတယ်” ဟု Rock ၏ ဖွံ့ဖြိုးတိုးတက်မှုဆိုင်ရာ ဥက္ကဌ Richard Trevino ကပြောကြားခဲ့သည်။

ထို့အပြင် Luxuryဖိနပ်ထုတ်လုပ်ရောင်းချသည့် Shaffayက သုံးစွဲသူများအ တွက် လာမည့် ဆောင်း ရာသီကာလအတွင်း ဖိနပ်စျေးနှုန်းများကို လျှော့ချလိုက်သည်။ဖိနပ်တွေရဲ့ ဈေးနှုန်းကို လျော့ချပေးလိုက်ရုံနဲ့ အမှတ်တံဆိပ်အ တွက် ရောင်းအားက ကောင်းမ လာနိုင်သေးပါ။ သို့သော်လည်း ယခုလို ခက်ခဲသည့် အချိန် တွင် သုံးစွဲသူများအား ဈေးလျော့ပေးခြင်းဖြင့် ကူညီပံ့ပိုးပေးခြင်းသည် သုံးစွဲသူများကို ဆက်လက်ထိန်း သိမ်းရန် အဓိကသော့ချက်ဖြစ် ကြောင်း Shaffayတည်ထောင်သူ Anna Elshafei က က ယုံကြည်သည်။

သုံးစွဲသူအား လုပ်ပိုင်ခွင့်နှင့် ရွေးချယ်ပိုင်ခွင့်များ ပေးပါ

လူနေမှုစရိတ်များ မြင့်တက်လာခြင်းအတွက် ရုန်းကန်နေရသူများ အနေဖြင့် သတ်မှတ်ရက်အတွင်း ဘေလ်ပေးချေရမည့် ပြသနာများကို ဖြေလျှော့ပေးနိုင်ရန် ကုမ္ပဏီများအနေဖြင့် အာရုံစိုက်လာကြသည်။ ငွေပေးချေမှုလုပ်ငန်းဖြစ်သည့် Bluechain သည် သုံးစွဲသူများကို Request to Pay နည်းပညာကို အ သုံးပြု၍ ဒစ်ဂျစ်တယ်ငွေပေးချေနိုင်ရန် တီထွင်ခဲ့သည်။

ငွေပေးချေမှု ပြုလုပ်မည့်ရက်စွဲကို ၎င်းတို့က ရွေးချယ်နိုင်ခြင်း၊ ဥပမာ- လစာထုတ်ရက်များ တွင် ငွေ ပေးချေမှု ပြုလုပ်နိုင်ခြင်းတို့ကို ပြုလုပ်နိုင်သည်။ထိုသို့ လုပ်ဆောင်ပေးခြင်းဖြင့် သုံးစွဲသူ၏ လက်ဝယ်တွင် ၎င်းနှင့် ကိုက်ညီသော ရွေး ချယ်မှုကို ပိုမိုပြုလုပ်နိုင်စေသည်။

Chartered Institute of Marketing (CIM)မှ လေ့လာမှုတစ်ခုအရ ယခုလို အကျပ်အတည်း ကာ လတွင် စီးပွားရေးလုပ်ငန်းများသည် စားသုံးသူများ၏ လိုအပ်ချက်များကို ဆက်လက်ဖြည့် ဆည်းပေးနိုင်ရန် ယခင်ကထက် ပိုမိုအ ရေးကြီးလာပါသည်။ လေ့လာမှုအရ အစားအသောက်နှင့် အဖျော်ယမကာ လုပ်ငန်းများ က အစားအသောက်ဈေးနှုန်းများ တိုးမြှင့်ခြင်းမပြုလုပ်ပါဟု ကြော်ငြာသည့်အခါ စားသုံးသူ ၅၇ ရာခိုင်နှုန်းက မယုံကြည်ကြကြောင်း တွေ့ရှိရသည်။ လုပ်ငန်းများက ထုတ်ကုန်ပစ္စည်း စျေးတက်ခြင်းနှင့်ပတ်သက်၍ ပွင့် လင်းမြင်သာစွာ ကြော်ငြာသောအခါ ၃၄ရာခိုင်နူန်းကသာ စိတ်ကျေနပ်ကြောင်းသိရပြီး ၁၂ရာခိုင်နူန်းက ဈေးတက်သည်ကို စိုးရိမ်ပူပန်မှု ခံစားရကြောင်း သိရသည်။

စားသုံးသူ၏ ရွေးချယ် သုံးစွဲမှုများကို နားလည်ပါ

“ မိမိလုပ်ငန်းရဲ့ စျေးကွက်ရှာ ဖွေရေးဌာနက ဈေးကွက်အတွင်း သုံးစွဲသူတွေရဲ့လိုအပ်ချက်ကို သိရှိ နားလည်အောင် ဆောင်ရွက်ပြီး သုံးစွဲသူတွေနဲ့ ယုံကြည်မှုတည်ဆောက်ရန် လိုအပ်ပါတယ်” ဟု CIM၏ ပြည် သူ့ဆက်ဆံရေးနှင့် ပြင်ပထိတွေ့ဆက်ဆံမှုဆိုင်ရာ အကြီးအကဲ James Delves က ပြောကြားခဲ့သည်။

ယနေ့ခေတ်မှာ သုံးစွဲသူများ ဦးစားပေးရွေးချယ်ရတဲ့ အရာတွေ ဘယ်လိုပြောင်း လဲနေသည်ကို သိရှိရန်အတွက် သုံးစွဲသူများပေါ်အခြေတည်ကာ ဈေးကွက်ကို ဆန်းစစ်ခြင်း ပြုလုပ်ရပါမည်။ ဥပမာအားဖြင့် သုံးစွဲသူများကို တိုက်ရိုက်ဆက်သွယ်ပြီး ရေရှည်မှာ လိုအပ်လာမည့် အရာတွေကို သိရှိနားလည် အောင်ကြိုး စားလုပ်ဆောင်ခြင်းဖြင့် စားသုံးသူများနှင့်ပုံမှန် ထိတွေ့ဆက်ဆံမှုနိုင်မည်ဖြစ် သည်။

သို့မှသာ လုပ်ငန်းများ အနေဖြင့် စားသုံးသူများကို ရေရှည်တည်မြဲအောင် ဆက် လက်ထိန်းသိမ်းထားနိုင်မည်ဖြစ်သည်။

ဦးမျိုးထက်နိုင်

B.Com (Hons), M.Com (YIE)

Forbes မဂ္ဂဇင်း၏ ဆောင်းပါးရှင် Alison Coleman ရေးသားသော Support Your Customers In A Financial Crisis And Reap The Rewards Of Loyalty ဆောင်းပါးကို ဆီလျော်အောင် မြန်မာပြန်ဆိုသည်။