EDC Thailand 2025 ပွဲတော်နဲ့ စီးပွားရေးလုပ်ငန်းများ ဆက်စပ်ပုံ
အခုတခေါက် ကျွန်မရဲ့ ဆွေးနွေးသွားမယ့် အကြောင်းကတော့ ဒီရက်ပိုင်းမှာပဲ ပြုလုပ်ပြီးသွားတဲ့ Electric Daisy Carnival (EDC) Thailand 2025 အကြောင်းနဲ့ စီးပွားရေး လုပ်ငန်းများ ဆက်စပ်ပုံကို ပြောပြာပေးသွားမှာပဲ ဖြစ်ပါတယ်။
ပထမဆုံးအနေနဲ့ Electric Daisy Carnival (EDC) Thailand 2025 ဟာ ကမ္ဘာကျော် ဂီတပွဲတော်တစ်ခုဖြစ်ပြီး ထိုင်းနိုင်ငံရဲ့ ယဉ်ကျေးမှု၊ အနုပညာနှင့် ခေတ်ပေါ်ဂီတကို ပေါင်းစပ်ထားတဲ့ ထူးခြားတဲ့ ပွဲတော်တစ်ခုဖြစ်ပါတယ်။ ဒီပွဲတော်မှာ ဂီတချစ်သူများအတွက်သာမက စီးပွားရေးလုပ်ငန်းများအတွက်ပါ အခွင့်အလမ်းများစွာကို ဖန်တီးပေးနိုင်ခဲ့ပါတယ်။
EDC သည် ၁၉၉၇ ခုနှစ်မှာ အမေရိကန်ပြည်ထောင်စုမှာ စတင်ခဲ့တဲ့ ဂီတပွဲတော်တစ်ခုဖြစ်ပါတယ်။ နှစ်စဉ်နှစ်တိုင်း လူသန်းပေါင်းများစွာ စုဝေးတဲ့ ဒီပွဲတော်က ကျင်းပခြင်းက ကမ္ဘာတစ်ဝှမ်းရှိ နိုင်ငံများကို မြန်ဆန်စွာ ပျံ့နှံ့သွားခဲ့ပါတယ်။ ဒီနှစ်ပိုင်းထဲဆိုရင် ၂၀၂၅ ခုနှစ်မှာ ထိုင်းနိုင်ငံဟာ EDC ရဲ့ အာရှတိုက်ရှိ အဓိကကျတဲ့ အိမ်ရှင်နိုင်ငံတစ်ခုဖြစ်လာပါတယ်။
ပွဲတော်ဖြစ်မြောက်ဖို့အတွက် နိုင်ငံတကာ နဲ့ နိုင်ငံတွင်းမှာ ရှိတဲ့ ဂီတအနုပညာရှင်တွေနဲ့ DJ သမားများကို ဖိတ်ကြားခြင်း၊ ပွဲတော်နေရာ သတ်မှတ်ခြင်း၊ ထိုင်းနိုင်ငံရဲ့ လှပတဲ့ သဘာဝပတ်ဝန်းကျင်နဲ့ ခေတ်မီတဲ့ အဆောက်အဦများကို ပေါင်းစပ်ထားတဲ့ နေရာများကို ရွေးချယ်လေ့ရှိပါတယ်။ ထို့အပြင် စီးပွားရေးလုပ်ငန်းများနဲ့ ပူးပေါင်းဆောင်ရွက်ပြီး ပွဲတော်ကို အောင်မြင်စေဖို့ ထောက်ပံ့သူများ၊ ကြော်ငြာရှင်များနှင့် ပူးပေါင်းမှု့များစွာ ပြုလုပ်ကြရပါတယ်။
EDC Thailand 2025 သည် စီးပွားရေးလုပ်ငန်းများအတွက် ကြီးမားသော အခွင့်အလမ်းများကို ဖန်တီးပေးနိုင်ပါတယ်။ ဒီပွဲတော်မှာ ပါဝင်နိုင်တဲ့ စီးပွားရေးလုပ်ငန်းများနှင့် ပွဲတော်နဲ့ ဆက်စပ်မှုတွေကို အနဲငယ် ပြောပြပေးပါ့မယ်။
ထိုင်းနိုင်ငံမှ ဖျော်ဖြေရေးလုပ်ငန်းတစ်ခုက EDC Thailand 2025 မှာ ကြော်ငြာနေရာဝယ်ယူပြီး သူတို့ရဲ့ ဝန်ဆောင်မှုတွေကို ကမ္ဘာလှည့်ခရီးသွားများထံ ပြသခဲ့ရာ အဲ့ကြော်ငြာကြောင့် လုပ်ငန်းရဲ့ ဝင်ငွေဟာ ၂၀% တိုးတက်လာခဲ့ပါတယ်။
စီးပွားရေးလုပ်ငန်းများမှာ ပွဲတော်မှာ ပါဝင်သူများအတွက် ထိုင်းနိုင်ငံမှ ဘီယာလုပ်ငန်းများနှင့် အပြည်ပြည်ဆိုင်ရာ အဖျော်ယမကာကုမ္ပဏီများ၊ ထိုင်းအစားအစာများ၊ အပြည်ပြည်ဆိုင်ရာ အစားအစာများနှင့် သရေစာများ၊အထူးဒီဇိုင်းနဲ့ ချုပ်လုပ်ထားသော ဝတ်စုံများ၊ အသုံးအဆောင်ပစ္စည်းများကို ရောင်းချတဲ့ လုပ်ငန်းများမှာလဲ အကျိုးအမြတ်များစွာ ရရှိခဲ့ကြပါသေးတယ်။ ထို့အပြင် ပွဲတော်မှာ နည်းပညာဆိုင်ရာ ဝန်ဆောင်မှုများကို ပံ့ပိုးပေးတဲ့ လုပ်ငန်းများကလည်း ပွဲတော်ရဲ့ လည်ပတ်မှုကို ပိုမိုအဆင်ပြေချောမွေ့စေပါတယ်။ ဥပမာ၊ ကြိုတင်လက်မှတ်ဝယ်ယူမှုစနစ်၊ ငွေပေးချေမှုစနစ်များခြင်း ဖြစ်ပါတယ်။ ပွဲတော်ကာလအတွင်း ဟိုတယ်များနှင့် ခရီးသွားလုပ်ငန်းတွေဟာ ဝင်ငွေများစွာ ရရှိခဲ့ကြပါတယ်။ ပွဲတော်သို့ လာရောက်တဲ့ ဧည့်သည်များအတွက် အထူးအစီအစဉ်များ ပြုလုပ်ပေးခြင်းဖြင့် စီးပွားရေးအကျိုးကျေးဇူးများ ရရှိနိုင်ပါသေးတယ်။
EDC Thailand 2025 သည် ဂီတနှင့် အနုပညာကို ချစ်မြတ်နိုးသူများအတွက် အကောင်းဆုံးပွဲတော်တစ်ခုဖြစ်သလို၊ စီးပွားရေးလုပ်ငန်းများအတွက်လည်း ကြီးမားတဲ့ အခွင့်အလမ်းများကို ဖန်တီးပေးနိုင်တဲ့ အတွက် မိမိ လုပ်ငန်းကို နိုင်ငံတကာစျေးကွက်သို့ ချဲ့ထွင်နိုင်မည်ဖြစ်ပါတယ်။ ဒီပွဲတော်မှာ ပါဝင်ခြင်းဖြင့် လုပ်ငန်းများက သူတို့ရဲ့ ကုန်ပစ္စည်းများနှင့် ဝန်ဆောင်မှုများကို ကမ္ဘာလှည့်စျေးကွက်သို့ မိတ်ဆက်နိုင်မှာပဲဖြစ်ပါတယ်။
Daw Ei Mon Soe
ME-IT (TU Mdy)
MBA Shinawatra University Thailand (International Program)