ကျောင်းသား၊ ကျောင်းသူတွေအနေနဲ့ ဘာလို့ UK မှာ ကျောင်းသွားတက်သင့်လဲ ?

ကျောင်းသား၊ ကျောင်းသူတွေအနေနဲ့ ဘာလို့ UK မှာ ကျောင်းသွားတက်သင့်လဲ ?

Strategy First University က ကျောင်းသား၊ ကျောင်းသူများထဲမှာ တချို့ နောက်ဆုံးနှစ် UK ကို ကျောင်းသွား တက်ဖို့ စဉ်းစားနေတဲ့သူ၊ ဘယ်နိုင်ငံသွားတက်ရမယ်မှန်း မစဉ်းစားရသေးတဲ့သူတွေအတွက် ဘာလို့ UK မှာ တက်သင့်တယ်ဆိုတဲ့ အချက်လေးတွေကို ပြောပြပေးသွားမှာ ဖြစ်ပါတယ်။ UK မှာ တက်ရောက်သင့်တဲ့အချက်တွေကတော့ -

၁။ ကမ္ဘာ့ထိပ်တန်းဝင် တက္ကသိုလ်များစွာရှိခြင်း

အောက်စဖို့ဒ် တက္ကသိုလ်နဲ့ University of Cambridge တို့အပါအဝင် ကမ္ဘာ့ထိပ်တန်းတက္ကသိုလ်တချို့ တည်ရှိရာနေရာလည်း ဖြစ်ပါတယ်။ ဒီကျောင်းတွေဟာဆိုရင် ဘာသာရပ်ပေါင်းများစွာမှာ အရည်အသွေးမြင့် ပညာရေးကို သင်ကြားပို့ချပေးနေကြတာ ဖြစ်ပါတယ်။

၂။ ကြွယ်ဝတဲ့ ယဉ်ကျေးမှုအမွေအနှစ်

ယူကေဟာဆိုရင် ရှည်လျားတဲ့ သမိုင်းကြောင်းရှိတဲ့အတွက် စူးစမ်းလေ့လာဖို့ များပြားလှတဲ့ အထင်ကရ နေရာများ၊ ပြတိုက်များနဲ့အတူ ကြွယ်ဝတဲ့ ယဉ်ကျေးမှုအမွေအနှစ် များစွာလည်း ရှိတာဖြစ်ပါတယ်။ UK မှာ ပညာသင်ကြားခြင်းဟာဆိုရင် ကျောင်းသားများကိုမတူညီတဲ့ ယဉ်ကျေးမှုတွေများစွာမှာ တက်ကြွစွာ ပါဝင်ဖို့ အတွက် အခွင့်အလမ်းတွေရရှိမှာလည်း ဖြစ်ပါတယ်။

၃။ ကမ္ဘာလုံးဆိုင်ရာ အလုပ်အကိုင်အခွင့်အလမ်းများ

UK ဟာဆိုရင် နိုင်ငံတကာစီးပွားရေးအတွက် အချက်အချာကျတဲ့ နိုင်ငံတစ်ခုဖြစ်ပြီး နိုင်ငံတကာကုမ္ပဏီများက UK မှာ သူတို့ရဲ့ ရုံးချုပ်များကို ဖွင့်လှစ်ထားတာဖြစ်ပါတယ်။ UK မှာ ပညာသင်ကြားခြင်းကြောင့် ကျောင်းသား၊ ကျောင်းသူများအားအနေနဲ့ အဖိုးတန်တဲ့ အဆက်အသွယ်များ ရရှိလာနိုင်သလို နိုင်ငံတကာ အလုပ်အကိုင် ဈေးကွက်မှာလည်း အလုပ်အကိုင်တွေ ရှာဖွေနိုင်မှာလည်း ဖြစ်ပါတယ်။

၄။ ဘာသာစကားကျွမ်းကျင်မှု

အင်္ဂလိပ်ဘာသာဟာဆိုရင် နိုင်ငံတကာစီးပွားရေးလုပ်ငန်းသုံး ဘာသာစကားဖြစ်ပြီး သိပ္ပံနဲ့နည်းပညာဆိုင်ရာ ဆက်သွယ်မှုမှာ အသုံးအများဆုံး ဘာသာစကားလည်း ဖြစ်ပါတယ်။ UK မှာ ပညာသင်ကြားခြင်းက ကျောင်းသားများကို သူတို့ရဲ့ အနာဂါတ်အလုပ်အကိုင်များအတွက် အဖိုးတန်တဲ့ အင်္ဂလိပ်ဘာသာစကားစွမ်းရည်ကို တိုးတက်စေရေးမှာလည်း အထောက်အကူဖြစ်မှာ ဖြစ်ပါတယ်။

၅။ နိုင်ငံတကာ ကျောင်းသားများအတွက် ပံ့ပိုးမှု

UK က နိုင်ငံတကာမှ ကျောင်းသားများအပေါ် ကြိုဆိုတဲ့သဘောထားတွေရှိတာကြောင့် လူသိများပါတယ်။ တက္ကသိုလ်များစွာမှာ နိုင်ငံတကာကျောင်းသားတွေအတွက် အထူးသီးသန့် ပံ့ပိုးကူညီမှု အစီအစဉ်များရှိသလို အရင်းအမြစ်များစွာကိုလည်း ပံ့ပိုးပေးလျက်ရှိတာဖြစ်ပါတယ်။

၆။ ကျယ်ပြန့်တဲ့ လေ့လာမှုရွေးချယ်စရာများ

UK မှာဆိုရင် ဘွဲ့ကြိုနဲ့ ဘွဲ့လွန်ဒီဂရီတွေအပြင် ကာလတိုသင်တန်းများ နဲ့ ဘာသာစကားအစီအစဉ်များ စတဲ့ ကျယ်ကျယ်ပြန့်ပြန့် ရွေးချယ်လေ့လာနိုင်တဲ့ programme များစွာလည်း ရှိနေတာဖြစ်ပါတယ်။

၇။ ဥရောပနိုင်ငံများသို့ ဝင်ရောက်ခြင်း

ယူကေမှာဆိုရင် ကျယ်ကျယ်ပြန့်ပြန့် သယ်ယူပို့ဆောင်ရေးစနစ်ရှိတဲ့အတွက် ဥရောပတိုက်ကြီးရှိ တခြားနိုင်ငံ များကို လွယ်ကူစွာ သွားလာနိုင်တဲ့ တံခါးပေါက်တစ်ခုလည်း ဖြစ်ပါတယ်။

၈။ Top-up programme ရွေးချယ်စရာများခြင်း

SFU မှ PEARSON HND/ NCC Level 5 programme များပြီးတဲ့သူတွေအတွက် Top-up programme ရွေးချယ်စရာ ကျောင်းများစွာလည်းရှိတဲ့အတွက် တခြား Education system မတူတဲ့နိုင်ငံတွေမှာ နှစ်များစွာ ပြန်တက်ခြင်းထက် နောက်ဆုံးနှစ်တစ်နှစ်ထဲကို UK Top-up programme တက်ရောက်ခြင်းဖြင့် ဘွဲ့ရရှိနိုင် မှာလည်း ဖြစ်ပါတယ်။

နိဂုံးချုပ်အနေနဲ့ ယူကေမှာ ပညာသင်ကြားခြင်းက တန်ဖိုးရှိပြီး ကြွယ်ဝတဲ့ အတွေ့အကြုံတစ်ခုဖြစ်ပြီး ကျောင်းသားများအား ကမ္ဘာ့အဆင့်မီပညာရေးကို ရရှိနိုင်စေမှာဖြစ်ပြီး သူတို့ရဲ့ ဘာသာစကားစွမ်းရည်ကို မြှင့်တင်နိုင်မှာဖြစ်သလို မတူကွဲပြားတဲ့ ယဉ်ကျေးမှုတွေနဲ့ ပရော်ဖက်ရှင်နယ်ပတ်ဝန်းကျင်ကို ထိတွေ့ခွင့် ရရှိစေမှာပဲ ဖြစ်ပါတော့တယ်။

 

Wai Yan Lin

MBA (Edinburgh Business School – Heriot Watt University),

B.A English for Professional Purposes (Yangon University)